Watu 6 wanahofiwa kufa katika maeneo ya Maduka (shopping center) Mjini Munich Nchini Ujerumani Polisi wamesema;
Kuna shughuli kubwa ya ulinzi inaendelea eneo la maduka ya Olympia Munich. Polisi imesema inawatafuta watu 3 wanaoshukiwa kupanga na tekeleza hilo tukio.
Msichana wa miaka 17 mkazi wa Makete mkoani Njombe Vumilia Kyando ambaye
ni mhudumu wa baa amemnyonga na kumtumbukiza kwenye mto mtoto wake wa
kumzaa mwenye miaka miwili baada ya kupata mchumba ambaye si baba wa
mtoto huyo aliyetaka kuishi nae lakini akawa hataki kukaa na mtoto huyo.
Kamanda Podinsiana Protas amesema kuwa mwanamke huyo anahojiwa na polisi na upelezi ukikamilika atapelekwa Mahakamani.
Ndege ya Jeshi la India aina ya Antonov-32 imepotea eneo la Ghuba ya Bengal ikiwa na watu zaidi ya 20 Jeshi la India la Dhibitisha. Ndege hiyo ilitakiwa kutua muda wa India saa 11.30.
Msemaji wa jeshi la maji la India amesema ndege za uchunguzi (surveillance planes) na meli zimeanza kuitafuta hiyo ndege.
Akizungumza leo na waandishi wa habari,
Waziri wa Elimu, Sayansi na Teknolojia, Prof. Joyce Ndalichako asema kuwa kwa
kipindi chote serikali ilikuwa ikifanya uchambuzi ili kuona ni wanafunzi gani
walikuwa na sifa za kusoma kozi hiyo maalum ambayo ilianzishwa kutokana na
tatizo la walimu wa Sayansi.
Baada ya uchambuzi wa kina serikali imebaini
kuwa takriban wanafunzi 290 waliokuwa wakisoma stashahada ya ualimu wa sekodari
na wengine 1,181 wa stashahada ya ualimu wa shule ya msingi, wakiwa hawana sifa
kabisa ya kuendelea na programu hiyo na wameshauriwa kuomba programu nyingine
katika vyuo vingine zinazoendana na sifa zao.
Ifuatayo ni sehemu ya taarifa iliyotolewa na
Wazir Ndalichako..
MAAMUZI YA SERIKALI
Kundi la Stashahada Maalumu ya Ualimu wa
Elimu ya Sekondari
(i) Kwa kuwa uchambuzi umebainisha kuwa
Wanafunzi wenye ufaulu wa Daraja la I na la II ambao pia wamefaulu masomo
mawili ya Sayansi kwa kiwango cha C-A ni 382 (mwaka wa I -134 na mwaka wa II -
248), wanafunzi hao ndiyo pekee watakaorudishwa katika Chuo Kikuu cha Dodoma
ili wakamalizie mafunzo yao katika Chuo hicho.
(ii) Wanafunzi 4,586 wa mwaka wa I wa
Programu Maalum ya Stashahada ya Ualimu wa Elimu ya Sekondari waliokidhi vigezo
vya ufaulu watahamishiwa katika Vyuo vya Ualimu vya Morogoro, Butimba, Mpwapwa,
Songea na Tukuyu kuendelea na masomo yao.
(iii) Wanafunzi 1,337 wa Mwaka II
watahamishiwa kwenye Vyuo vya Ualimu vya Korogwe na Kasulu kumalizia masomo
yao.
(iv) Wanafunzi 290 waliokuwa wamedahiliwa
kusoma Programu Maalum ya Stashahada ya Ualimu wa Elimu ya Sekondari Masomo ya
Sayansi na Hisabati ambao hawana sifa stahiki wanashauriwa kuomba mafunzo
yanayolingana na sifa walizo nazo kwenye chuo chochote wanachotaka wao.
Kundi la Programu ya Ualimu wa Elimu ya Msingi
Wanafunzi katika kundi hili hawakuwa sehemu
ya program maalum ya kupunguza uhaba wa walimu wa Sekondari wa Sayansi na
Hisabati. Walikuwa wanaandaliwa kufundisha shule za msingi wakati lengo la
Programu Maalum ilikuwa ni kukabiliana na tatizo za uhaba wa walimu wa
Sekondari. Maudhui ya program waliyokuwa wanasoma hayakuwa sawasawa na yale ya
Programu ya Ualimu wa Sekondari wa Sayansi na Hisabati.
(v) Wanafunzi 29 wa mwaka wa II wenye Cheti
cha Daraja IIIA waliodahiliwa kusoma Stashahada ya Ualimu wa Shule za Msingi
watahamishiwa katika Chuo cha Ualimu Kasulu wamalizie masomo yao kwa gharama
zao wenyewe.
(vi) Wanafunzi 1,181 waliodahiliwa kusoma
Stashahada ya Kawaida ya Ualimu wa Elimu ya Msingi waombe mafunzo yanayolingana
na sifa walizonazo mahali popote watakapotaka wao.
GHARAMA ZA MASOMO
Serikali itaendelea kuwapatia mikopo
wanafunzi watakaorejeshwa UDOM. Aidha, wanafunzi watakaohamishiwa kwenye Vyuo
vya Ualimu vya Serikali watapewa mkopo wa kiasi cha Sh. 600,000/= kwa mwaka
ambayo ni ada ya Mafunzo ya Ualimu itakayolipwa moja kwa moja Chuoni.
HITIMISHO
(i) Wanafunzi wote wanaorejeshwa Chuo Kikuu
cha Dodoma wataanza masomo mwezi Oktoba 2016.
(ii) Wanafunzi watakaohamia katika Vyuo vya
Ualimu wataendelea na mafunzo yao mwezi Septemba mwaka 2016.
(iii) Wanafunzi wote watatakiwa kuripoti wakiwa
na vyeti vyao halisi vya Kidato cha Nne ambavyo vitahakikiwa kabla
hawajapokelewa rasmi kwenye vyuo walivyopangiwa.
LIST OF SELECTED STUDENTS.PDF
LIST OF SELECTED STUDENTS TO OTHER COLLEGES.PDF
NON ELIGIBLE STUDENTS.PDF
